Кәмелетке толмаған жасөспірімдер арасында суицид оқиғаларының алдын алу.

Кері қарай

    Қазіргі таңда суицид оқиғасының көптеп орын алуына байланысты аудан әкімдігі жанындағы кәмелетке толмағандардың ісі және олардың құқықтарын қорғау жөніндегі комиссия мүшелерінің, аудандағы жалпы орта, негізгі мектеп директорлары мен психологтарының қатысуында облыстық балалардың құқықтарын қорғау департаментінің ұйымдастыруымен 20 тамыз 2010 жылы аудан әкімдігінің мәжіліс залында семинар ұйымдастырылды. Семинарға ОҚО балалардың құқықтарын қорғау департаментінің бас маманы – Ж.Арысбаева, ОҚО білім басқармасының шығармашылық тобының мүшесі –А.Көрікбаева, Облыстық жүйке аурулар диспансерінің бөлім меңгерушісі А.Құттықожаева, №50 ЖОМ педагог-психологы А.Бекжігітовалар қатысты. Семинарды аудан әкімінің орынбасары, кәмелетке толмағандардың ісі және олардың құқықтарын қорғау жөніндегі комиссия төрағасы Қ.Төлебаев жүргізді.
Кәмелетке толмаған жасөспірімдер арасында суицид оқиғаларының алдын алу тақырыбындағы семинар-кеңесте суицидтің орын алуы, белгілері мен алдын-алу принциптері ерекше айтылып, ой-пікірлер бөлісіп, педагог-психологтарға тұщымды ұсыныстар жасалды. Сондай-ақ «Жетістікке жетудің қыры мен сыры», «Бала-өмірдің гүлі» атты мұғалімдерге арналған тренинг сабақтар өткізілді.
Семинарды қорытындылаған аудан әкімінің орынбасары Қ.Төлебаев бүгінгі ұйымдастырылып отырған семинардың үлкен мәні мен маңызы бар шара екендігін, бұл барлық қауымды ойландырып отырған бүгінгі күннің өзекті мәселесіне айналып отырғандығын жеткізді. Мұндай жағдайлардың орын алуы кейбір отбасы тәрбиесінің дұрыс ұйымдастырылмауынан екендігін, яғни, тұрмыстағы ұрыс талас, дау-жанжал, баланың психологиялық ерекшеліктерін ескермеу, маскүнемдік, ата-ананың біреуінің болмауы, тағы басқа жағдайлар. Моралъдық жағынан азғындаған отбасында, әдетте балаға жеткілікті көңіл бөлінбейді. Балалар ата-анасының қамқорлығы мен сүйіспеншілігін сезінбегендіктен, олар «ертеңгі күннің қуанышын» жоғалта бастайтындығын, сол кезде баланың ойына түрлі жаман ойлар жолығатынын белгілі.
Еліміздің ертеңі - ұрпақ қолында. Ертеңгі ұрпақты тәрбиелеу мен сапалы білім беру бүгінгі ұстаздардың міндеті. Әрбір ұстаз талмай, қажымай еңбек еткенде ғана жақсы нәтижеге, үлкен жеміске жетуге болатындығын айтып, семинарды қорытындылады.